: +995 (574) 28-88-55
Pick up: Find a location
OTHER LOCATIONS
ესტონეთის რესპუბლიკას უკავია 45 000 კმ², მოსახლეობა შეადგენს 1,3 მილიონს.
ქვეყნის დედაქალაქი ტალინია, მსხვილი ქალაქები — ტარტუ, ნარვა, აგრეთვე კუნძულები — საარემაა, პრანგლი, ჰიუმაა, ვორსმი, ოსმუსაარ, რუხნუ.
საკმაოდ პატარა ესტონეთში უამრავი ღირშესანიშნაობებია განლაგებული. ზაფხულში შეგიძლიათ გაირუჯოთ და იბანავოთ პიარნუს, ჰააფსალუს, კურესაარეს, და ტოილას პლიაჟებზე ან ვიარსკას და პიუჰაიარვას ტბებზე, აღადგინოთ ჯანმრთელობა უამრავ კურორტებსა და სანოტორიუმებში. მთელი ესტონია ერთ დიდ კურორტს წარმოადგენს: სასტუმროები და სამკურნალო სანატორიუმები არის ყველგან, სადაც ამისთვის შესაბამისი პირობები არსებობს. მშვიდი დასვენების მოყვარულებს შეუძლიათ დაისვენონ კუნძულებზე, აგრეთვე ოჯახურ ფერმებზე ესტონეთის პროვინციაში.
ლიტვა ჩრდილო ევროპის ბალტიის პირეთის ერთ-ერთი სახელმწიფოა კომფორტაბელური ქვიშიანი პლიაჟებით, კრისტალურად სუფთა ჰაერით, ულამაზესი პეიზაჟებით, არქიტექტურული და ისტორიული ღირშესანიშნაობებით. პალანგას პლიაჟები, უნიკალური კურშსკის კოსა (შეტანილია იუნესკოს ბუნებრივი მემკვიდრეობის საგანძურში), ცნობილი ბირშტონასის, ნერინგას და დრუსკინინკაის სანატორიუმები და სხვა დაუვიწყარი ადგილები დააინტერესებს ნებისმიერს, რათა გაეცნოს ქვეყანას, დაისვენოს ლიტვაში ან ბიზნესი აწარმოოს.
ქვეყანა განლაგებულია აღმოსავლეთ-ევროპულ დაბლობზე. აღმოსავლეთიდან რესპუბლიკა ესეზღვრება ბელორუსიას, სამხრეთიდან — პოლონეთს, სამხრეთ-დასავლეთიდან — რუსეთს (კალინინგრადი). ქვეყნის დედაქალაქი ვილნიუსია. სხვა მსხვილი ქალაქებია: კაუნასი, კლაიპედა, პანევეჟისი და შაულიაი. ლიტვის ტერიტორია შეადგენს 65 300 კმ², მოსახლეობა კი 3,6 მილიონს. ლიტველების გარდა აქ ცხოვრობენ ბელორუსები, რუსები, უკრაინელები და სხვ. ქვეყნის ძირითად პრიორიტეტებად რჩება ბუნებრივი რესურსების დაცვა და სუფთა ეკოლოგია.
ყაზახეთის რესპუბლიკა – ნამდვილი მუზეუმი გახლავთ ღია ზისქვეშ. თქვენ გელით ბუნებრივი საოცრებანი, ლეგენდარული ტბა ბურაბაი, ალატაუს ალპური მდელოები, მდინარე ჩარინის არაჩვეულებრივი კანიონი, ეგრედ წოდებული ამერიკის დიდი კანიონის „უმცროსი ძმა“. კანიონს უნიკალური რელიქტური წიფლნარი ამშვენებს. ალმატი განლაგებულია ტრანს-ილის ალატაუს მთებთან, აქ ნაციონალური სტილი და თანამედროვე არქიტექტურის საინტერესო მომუმენტებია წარმოდგენილი. ალმატი ნიშნავს „ვაშლის მამას“, დაფუძნებული 19 საუკუნეში სოფელ ალმატის ადგილზე, რომელიც დარბევების და ომების შედეგად განადგურდა და ქვეყნის ოფიციალური დედაქალაქი გახლდათ 1998 წლამდე. ტრანს-ილის ალატაუს მთები კედელივით იცავს ალმატის სამხრეთ საზღვარს. ქალაქი აოცებს ყველა სტუმარს თავისი სილამაზით, გამწვანებით, უამრავი შადრევნებით, დიდებული გამზირებით და სხვა. ქალაქში უხვად არის წარმოდგენილი თეატრები, მუზეუმები, რესტორნები, ღამის კლუბები და ასე შემდეგ. პანფილოვის ცნობილი ოთხკუთხედის ფორმის პარკი- ახარებს ალმატელებს გამწვანებული მასივით, მდებარეობს ზენკოვის ტაძართან–ღმერთის წყალობით ეს ეკლესია გადაურჩა 1911 წლის მიწისძვრას. ტაძარი თავიდან ბოლომდე აშენებულია ხის მასალისგან ლურსმნის გამოყენების გარეშე. პარკის დასავლეთ ნაწილში არასანის აბანოებია, სადაც წარმოდგენილია ტურქული, ფინური და რუსული ტიპის აბანოები. სახელმწიფო მუზეუმში ქვეყნის ისტორიის მრავალი ექსპოზიცია ინახება და მათ შორის „ოქროს კაცის“ ზუსტი კოპიო, რომლის სამხედრო ჩაცმულობა/აბჯარი ნაკეთია 4000 ოქროს ფილისგან და წარმოადგენს ქვეყნის არქეოლოგიურ საგანძურს.
უკრაინა ეს არის ულამაზესი ბუნება, მდიდარი კულტურული მემკვიდრეობა და და ბევრი მშვენიერი ქალაქი თუ სოფელი, რომლებიც ქვეყნის ისტორიას და უკრაინელი ხალხის სულისკვეთებას წარმოგვიდგენენ . თითქმის ყველა ქალაქში ბევრი ძეგლი თუ არქიტექტურული მომუმენტებია. ყირიმიდან დაწყებული და კარპატებით დამთავრებული უამრავი ძველი ციხე-სიმაგრე, სასახლე, ეკლესია და მუზეუმი შეგხვდებათ და ქვეყნის უნიკალურ კოლორიტს გაგვაცნობენ. უკრაინაში გელოდებათ როგორც მთები, ასევე ზღვა და სტეპები, მრავალრიცხოვანი ქალაქები და სტუმართმოყვარე ხალხი. უკრაინის შავი ზღვის პირეთის მრავალრიცხოვანი კურორტები ელიან სტუმრებს: იალტა, ჰერსონი, ბახჩისარაი, კოქტებელი, ალუპკა და სხვა. მაგრამ განსაკუთრებული ქალაქი ოდესსა გახლავთ თავისი ცნობილი ოპერის თეატრით, არკადიის სანაპიროთი, პოტიომკინის კიბით.
უკრაინის დედაქალაქი კიევი ღია ცისქვეშ მუზეუმს წარმოადგენს. ანდრეევის დაღმართი და წმ. ანდრიას ეკლესია, წმ. სოფიოს ტაძარი და კიევის-პეჩორის ლავრის განსაკუთრებული ატმოსფერო და ცნობილი მღვიმეები.
დედაქალაქის საერთაშორისო აეროპორტი დედამიწის თითქმის ნებისმიერ ქალაქში გამგზავრების საშუალებას იძლევა.
ნაცნობი და ამავე დროს იდუმალებით მოცული აზია ყველას იზიდავს მდიდარი ბაზრებით, სადაც ტკბილეულის და ხილის სიმრავლე, ჰაერში კი მადის აღმძვრელი აზიური კერძების არომატი ტრიალებს. უზბეკეთი განლაგებულია აბრეშუმის გზის გადაკვეთაზე და მოქცეულია მდინარე ამუდარია და სირდარიას ხეობებში. ეს გახლავთ ყველაზე დიდი მდინარეები აზიაში. მშრალი კლიმატის გამო მდინარეების უმრავლესობა ზაფხულში შრება. ყველაზე მსხვილი და ქვეყნის ერთადერთი ზღვის წყლის მდინარე – არალის ზღვა გახლავთ, რომელიც ყაზახეთს ესაზღვრება. ტბის დასახელება "არალი" ნიშნავს "კუნძულს". უძველესი დროიდან არალი ითვლებოდა ყარაყუმის და ყიზილყუმის უდაბნოების ოაზისად. სამწუხაროდ, ბოლო ათწლეულის მანძილზე არალის ზღვის ნაპირი 80 კმ დაიხია უკან და სამი პატარა მდინარე შეიქმნა.
რესპუბლიკის განვითარებული ეკონომიკა ინდუსტრიის მრავალი დარგით არის წარმოდგენილი. მისი ძირითადი მიმართულებებია: ბუნებრივი აირის, მეტალურგიის, ბამბის და საფეიქრო ინდუსტრია. მთავარ სიამაყეს წარმოადგენს ბამბა, რომელსაც „თეთრ ოქროს“ უწოდებენ.
რუსეთს უკავია მსოფლიოში პირველი ადგილი ფართობით, მოიცავს უამრავ კლიმატურ და საათობრივ სარტყელებს და ევრაზიის კონტინენტის 2/3 იკავებს. ქვეყანა ესაზღვრება 12 ზღვას. რუსეთის დედაქალაქი მოსკოვი – უდიდესი მეგაპოლისია.
ქვეყანაში ცხოვრობენ სხვადასხვა ეროვნების და ეტნოსების წარმომადგენლები. რუსეთის ბუნება გაგაოცებთ სილამაზით და მრავალფეროვნებით. სახელმწიფოს ისტორია რამოდენიმე საუკუნე არსებობს. კულტურულ-ისტორიული ძეგლები იზიდავს პროფესიონალების და მოყვარულების დიდ რაოდენობას.
ქვეყანა გადაჭიმულია 4,000 კმ ჩრდილოეთიდან სამხრეთის მიმართულებით, თითქმის 10,000 კმ. დასავლეთიდან აღმოსავლეთისკენ. ქვეყანა ესაზღვრება 16 სახელმწიფოს: კორეას, ჩინეთს, მონღოლეთს, ყაზახეთს, აზერბაიჯანს, საქართველოს, უკრაინას, ბელორუსიას, ლატვიას, ესტონეთს, ფინეთს, ნორვეგიას, ლიტვას და პოლონეთს. რუსეთის სიმბოლოებია: წითელი მოედანი, წმინდა ბასილის ტაძარი, პეტერბურგის ცნობილი თეთრი ღამეების, დოსტოევსკის და ტოლსტოის რომანები, იდუმალებით მოცული ბაიკალის ტბა და რა თქმა უნდა რუსული არაყი და თეთრი არყის ხეები.
ქათქათა თეთრი კავკასიის მყინვარები იალქნიან ხომალდებს ჰგვანან. ამაყი კავსიის მთები იეროგლიფებს წააგავს, რომლებიც ყველას არ უმხილავენ თავის მისტერიებს. მთები საიდუმლო ჯაჭვის ნაწილებია, სადაც მარადისობის ექო გაისმის. ფერებიც სხვაგვარად აღიქმება მთებში. მთის ნაოჭებზე გადაჭიმულ ლაჟვარდოვან ცას ხელით შეეხები.დ რო თითქოს ანელებს თავის ნაბიჯს ამ თავბრუდამხვევ სიმაღლეზე.
საქართველო განსაკუთრებული ქვეყანა გახლავთ. იგავის თანახმად, როდესაც უფალი მიწებს ანაწილებდა, ქართველებმა დაიგვიანეს, რათა ქეიფი ჰქონდათ გაჩაღებული. მაგრამ სუფრის ყველა სადღეგრძელო მამა ზეციერის სახელს ადიდებდა, ამიტომ უფალმა თავისთვის შემონახული მიწით დააჯილდოვა. ეს არის საქართველოს ფანტასტიური სილამაზის ფენომენის საიდუმლო.
ამიერკავკასიის მშვენიერი ქვეყანა აზერბაიჯანი შეიცავს 9 კლიმატურ სარტყელს არსებული 11-დან. აქ წარმოდგენილია სუბტროპიკული ტყეები და მაღალმთიანი ალპური მდელოები, თოვლით დაფარული ქედები და შაჰდაღის და მუროვდაღის მყინვარები. ერთდროულად გადადიხართ ერთი სეზონიდან მეორეში, მოგზაურობთ იზმაილაჰის და ქელბაჯარას უღრან ყეებში, მუჰანის და შირვანის ტრამალებში და კასპიის პირეთის საზღვაო ზონაში. ფანტასტიკური მთიანი პეიზაჟები ცნობილი მხატვრების ტილოებიდან გეგონებათ ჩამოსული.
აზერბაიჯანის ისტორიული ძეგლების უმეტესი ნაწილი შემორჩენილიაქვის ხანის პერიოდიდან დღემდე. ჰეროდოტის თანახმად ძეგლები არსებობდა ჯერ კიდევ ჩვენს წ.ა.5-ე საუკუნეში. უნიკალური გობუსტანის მთის ნახატები, აფშერონი – ისტორიის ცოცხალი მომწენია. ქვეყანაში ქრისტიანული რელიგია სუფევდა VII ს-მდე, როდესაც აზერბაიჯანი არაბეთის ქალიფატმა დაიპყრო. ქალიფატმა ქვეყანაში ისლამი დააარსა. შეიქმნა ახალი ტრადიციები. მაგრამ აზერბაიჯანი საკმაოდ ტოლერანტული სახელმწიფოა სხვა რელიგიური თანმიმდევრების მიმართ.
აზერბაიჯანული ხელოვნების ერთ-ერთი ცნობილი სახეობაა ხალიჩების ქსოვა. იგი გავრცელდა შირვანში, განჯაში, ყარაბაღში და ქვეყნის სხვა რეგიონებში. ექსპერტების აზრით, სპარსული ხალიჩები, ხშირად სინამდვილეში აზერბაიჯანული წარმოშობისაა.
სომხეთი გახლავთ უძველესი და ბევრ განცდას გამოვლილი მონასტრების და დიდებული მთების ციტადელი. სომხეთის მოსაზღვრე ქვეყნებია საქართველო, აზერბაიჯანი, ირანი და თურქეთი. მთებს, კლდეებს და ანთიკური ნამოსახლარების შემორჩენილ ნანგრევებს განსაკუთრებული ადგილი უკავიათ სომხეთის ისტორიაში. ეს ფაქტი ნათლად ჩანს უხვად წარმოდგენილი ქვიდან გამოთლილი ეგრეთ წოდებული „ხაჩკარების“ სახით. ძირითადათ ხაჩკერებს აშენებდნენ მნიშვნელოვანი მოვლენების ადგილზე. ჯვრები ნაკეთია ქვის ფილების სახით ან ობელისკის სახით, რომლებზედაც აუცილებლად გამოკვეთილია ჯვარი და მრავალფეროვანი ორნამენტი. ორი ერთმანეთის მსგავსი ხაჩკარი არ მოიპოვება მთელ ქვეყანაში. მრავალრიცხოვანი ძეგლები, მთების სუფთა ჰაერი და კეთილმოწყობილი ინფრასტრუქტურა ხელს უწყობენ ტურიზმის განვითარებას, განსაკუთრებულად კი ეკოტურიზმის.
უმეტესობისთვის სომხეთის სავიზიტო ბარათია სომხური კონიაკი. ბრიტანეთის პრიმიერ-მინისტრი ჩერჩილი მხოლოდ სომხურ კონიაკს შეექცეოდა. გირჩევთ დაესწროთ კონიაკის დეგუსტაციას არარატის კონიაკის წარმოებაში. სომხების განსაკუთრებული სიამაყის საგანია უნიკალური ანბანი. ცნობილი სომეხი პოეტი საიათ-ნოვა, მცხოვრები თბილისში და განწირული ქრისტიანული სარწმუნოებისთვის. დაკრძალულია აგრეთვე თბილისში. მისი სასიყვარულო ლირიკა წარმოდგენილია სამ ენაზე. ლექსების უმეტესობა კი აზერბაიჯანულ ენაზეა დაწერილი და ინახება სანკტ-პეტერბურგის მუზეუმში. სომხეთი მსოფლიო ლიდერია ტუფის და ფელზიტის საბადოებით. მესროპ მაშტოცს (362-440 წწ.) ეკუთვნის განსაკუთრებული ფურცელი ქვეყნის ისტორიაში, რადგან ყვლილი მოუძღვის ანბანის შექმნაში. წმინდა მაშტოცი დაკრძალულია უძველესი სამლოცველოში.
